आरजु देउवा काठमाडौंमै, सिंगापुर भागेको हल्ला गलत भएको सचिवालयको प्रष्टोक्ति
नेपाल प्रेस
२०८० वैशाख २९ गते ९:५७
काठमाडौं । नेपाली कांग्रेसका सभापति शेरबहादुर देउवाकी पत्नी आरजु देउवा भागेर सिंगापुर पुगेको हल्ला सामाजिक सञ्जालमा फैलिएको छ । तर, देउवाको सचिवालयले भने आरजु काठमाडौंमै रहेको बतायो ।
सचिवालयका अनुसार आरजु हिजो अजय चौरसियाको छोराको विवाह समारोहमा भाग लिन वीरगञ्ज पुगेकी थिइन् । त्यस क्रममा उनले हिजै हेटौंडामा एउटा मार्टको उद्घाटन गरिन् । त्यसैगरी हेटौंडामै उनले महिला सशक्तीकरणका लागि प्रदेश सरकारको भूमिका विषय अन्तरक्रियामा सम्बोधन गरेकी थिइन् ।
कार्यक्रममा सहभागितापछि उनी हिजै राति काठमाडौं फर्किएको देउवाका स्वकीय सचिव भानु देउवाले नेपाल प्रेससँग बताए ।
‘उहाँ हिजै हेटौंडाबाट गाडीमा फर्किनुभएको हो । अहिले काठमाडौंमा नै हुनुहुन्छ,’ देउवाले भने ।
एउटा युट्यूव च्यानलले आरजु वीरगञ्जबाट भारत हुँदै सिंगापुर गएको सामग्री प्रसारण गरेको छ ।
नेपाल प्रेस
प्रकाशित: २०८० वैशाख २९ गते ९:५७
प्रतिक्रिया
सम्बन्धित खवर
