गठबन्धनकै कारण कांग्रेस ठूलो दल बन्यो, संघीय चुनावमा पनि मिलेरै जान्छौं : गृहमन्त्री खाण – Nepal Press

गठबन्धनकै कारण कांग्रेस ठूलो दल बन्यो, संघीय चुनावमा पनि मिलेरै जान्छौं : गृहमन्त्री खाण

काठमाडौं । गृहमन्त्री बालकृष्ण खाणले स्थानीय चुनावमा कांग्रेसको धेरै सिट आउनुमा गठबन्धनको सहयोग रहेको भन्दै आगामी संघीय र प्रादेशिक चुनावमा पनि पाँचदलीय गठबन्धन कायमै रहने बताएका छन् ।

पर्वतको पैंयु गाउँपालिका अध्यक्षमा निर्वाचित भएका तरुण दल पर्वतका अध्यक्ष तोरण मल्ललाई आफ्नै कार्यकक्षमा बधाई तथा शुभकामना दिने क्रममा गृहमन्त्री खाणले गठबन्धनकै कारण कांग्रेस ठूलो दल बनेको बताए ।

गृहमन्त्री खाणले बधाई दिँदै गठबन्धनको मर्मअनुसार गाउँ र जनताको सेवा गर्न गर्न मल्ललाई सुझाव दिए ।

उक्त भेटघाट कार्यक्रममा नेपाल तरुण दल केन्द्रीय अध्यक्ष विद्वान गुरुङ, पैंयु गाउपालिका वडा नम्बर ७ का वार्ड अध्यक्ष तोयनाथ शर्मा ,नेपाल तरुण दल पर्वतको नेता विप्लव हमाल, नेपाली कांग्रेस पर्वत पार्टी जिल्ला समिति सदस्य गुप्तप्रताप सेन ,नेविसंघ पृथ्वीनारायण क्याम्पसका नेता रेशम हमाललगायत उपस्थित थिए ।

प्रतिक्रिया

Leave a Reply

Your email address will not be published.

सम्बन्धित खवर