भरतपुरमा १५ मतले विजयको लिड
नेपाल प्रेस
२०७९ जेठ २ गते ६:४१
काठमाडौं । चितवनको भरतपुर महानगरपालिकाको मेयरमा नेकपा एमालेका उम्मेदवार विजय सुवेदी र गठबन्धनकी रेनु दाहालबीच कडा टक्कर भइरहेको छ । अपडेट अनुसार सुवेदीले ३३४२ मत पाएका छन् भने दाहालले ३३२७ मत पाएकी छन् । उनीहरुबीच १५ मतको अन्तर छ ।
गठबन्धनबाट बागी उम्मेदवारी दिएका जगन्नाथ पौडेलले १२०४ मत ल्याएका छन् ।
उपमेयरमा गठबन्धनका चित्रसेन अधिकारीले ३७१६ र राप्रपाकी हिमला गुरुङले २६६५ मत ल्याएकी छन् । यहाँ एमाले र राप्रपाबीच चुनावी तालमेल छ ।
वडा नम्बर तीनमा भइरहेको मतगणनाको पछिल्लो परिणामअनुसार एमालेका विकास थापाले ६७७ मत ल्याएका छन् भने कांग्रेसका भरत लामिछानेले ४२९ मत ल्याएका छन् ।
नेपाल प्रेस
प्रकाशित: २०७९ जेठ २ गते ६:४१
प्रतिक्रिया
सम्बन्धित खवर
