देउवालाई अमेरिकी विदेशमन्त्रीको टेलिफोन : कोरोना र जलवायु परिवर्तनका चुनौतिसँग मिलेर लड्नेबारे छलफल
एमसीसीबारे पनि छलफल
काठमाडौं । अमेरिकी विदेशमन्त्री एन्टोनी ब्लिंकनले नेपालका प्रधानमन्त्री शेरबहादुर देउवालाई टेलिफोनमार्फत बधाई तथा शुभकामना दिएका छन् ।
भारत भ्रमणमा आउनुअघि उनले छिमेकी देश नेपालका प्रधानमन्त्रीलाई टेलिफोन गरेर बधाई दिएको अमेरिकी विदेश मन्त्रालयका प्रवक्ता नेड प्राइजद्वारा जारी विज्ञप्तिमा उल्लेख छ ।
I had the pleasure to speak with Nepali Prime Minister Deuba today. We discussed the advancement of the U.S.-Nepal partnership including cooperation on our shared fight against COVID-19 and the effects of climate change.
— Secretary Antony Blinken (@SecBlinken) July 27, 2021
देउवा र ब्लिंकेनबीच महामारी नियन्त्रण र जलवायु परिवर्तनका चुनौतिसँग मिलेर लड्नेबारे छलफल भएको जनाइएको छ । अमेरिकाले गतसाता दिएको १५ लाख डोज जोन्सन खोपको प्रयोगका बारेमा पनि ब्लिंकेनले चासो व्यक्त गरेका थिए ।
परराष्ट्र मन्त्रालयले जारी गरेको प्रेस विज्ञप्ति अनुसार देउवालार्ई ब्लिन्कनले नयाँ कार्यकालको लागि बधाई दिएका थिए भने अमेरिकी सरकारले हालसालै सहयोग गरेको १५ लाख खोप सहयोगको लागि देउवाले धन्यवाद दिएका थिए।