क्रिस्टियानो रोनाल्डो बने युरोपियन च्याम्पियनसिपकै सर्वाधिक गोलकर्ता

काठमाडौं । पोर्चुगलका कप्तान तथा स्टार फरवार्ड क्रिस्टियानो रोनाल्डो युरोपियन च्याम्पियनसिप (युरो)का सर्वकालिन सर्वाधिक गोलकर्ता बनेका छन् ।

समूह ‘एफ’को पहिलो खेलमा पोर्चुगलले मंगलबार हंगेरीमाथि ३-० गोलको जित हासिल गर्दा रोनाल्डोले दुई गोल गरे । राफा सिल्भामाथि विली ओर्बानले १८ यार्ड बक्सभित्र फाउल गरेपछि पोर्चुगलले पेनाल्टी पाएको थियो ।

सोही पेनाल्टीको सदुपयोग गर्दै रोनाल्डोले कीर्तिमानी गोल गरे । यसअघि यो कीर्तिमान फ्रेन्च लिजेन्ड माइकल प्लाटिनी र रोनाल्डको कै नाममा थियो । तर, अब यो कीर्तिमान ११ गोलमा पुगेको छ र रोनाल्डोको एकलौटी कीर्तिमान बनेको छ ।

प्लानटिनीले १९८४ मा भएको युरोपियन च्याम्पियनसिपमा एकै संस्करणमा ९ गोल गरेका थिए ।