शंकर पोखरेलप्रति भीम रावलको टिप्पणी- प्रधानमन्त्रीको छत्रछायामा पदलोलुप चर्तिकला

काठमाडौं । नेकपा एमाले माधव नेपाल पक्षका नेता भीम रावलले लुम्बिनी प्रदेशमा जारी राजनीतिक उथपुथलप्रति टिप्पणी गर्दै राजनीतिलाई निर्वस्त्र तुल्याउने काम भएको आरोप लगाएका छन् ।

प्रधानमन्त्री एवम् एमाले अध्यक्ष केपी शर्मा ओलीप्रति कडा टिप्पणी गर्दै रावलले प्रधानमन्त्रीको छत्रछायाँमा अर्को पदलोलुप चर्तिकला भएको समेत जिकिर गरेका छन् ।

‘लुम्बिनी प्रदेशका मुख्यमन्त्री शंकर पोखरेलविरूद्ध प्रस्तुत अविश्वास प्रस्तावका सन्दर्भमा राष्ट्रिय राजनीतिलाई निर्वस्त्र तुल्याई संविधानकै मर्यादामा अघात पुग्नेगरी निजबाट भएका क्रियाकलापले लोकतन्त्र र राजनीतिक नैतिकताको धज्जी उडाएको छ,’ ट्वीटरमा रावलले लेखेका छन्, ‘प्रम केपीको छत्रछायामा अर्को पदलोलुप चर्तिकला।’

आफूविरुद्ध दर्ता भएको अविश्वास प्रस्तावमाथि छलफल हुनु केहीअघि आइतबार मुख्यमन्त्री पोखरेलले अचानक राजीनामा दिएका थिए । राजीनामालगत्तै बसेको एमाले संसदीय दलको बैठकले पोखरेललाई नै पुनः मुख्यमन्त्री प्रस्ताव गर्दै एकल बहुमतको सरकारका लागि प्रदेश प्रमुखसमक्ष दावी गर्ने निर्णय गरेको थियो ।

त्यही दावी अनुसार प्रदेशले पोखरेललाई पुनः मुख्यमन्त्रीमा नियुक्त गरिसकेका छन् । तर, विपक्षीले बहुमत हस्ताक्षरसहित सरकारको दावी गरेपछि लुम्बिनीमा राजनीतिक संटक गहिरिएको छ ।

प्रतिक्रिया

Leave a Reply

Your email address will not be published. Required fields are marked *