च्याम्पियन्स लिग सेमिफाइनल– मड्रिड र चेल्सी तथा सिटी र पीएसजी भिड्ने – Nepal Press

च्याम्पियन्स लिग सेमिफाइनल– मड्रिड र चेल्सी तथा सिटी र पीएसजी भिड्ने

एजेन्सी । दोस्रो लेगमा एलफिल्डमा स्पेनिस प्रतिस्पर्धी रियल मड्रिडसँग गोलरहित बराबरी खेले पनि लिभरपुल युरोपेली च्याम्पियन्स लिगको क्वाटरफाइनलबाट बाहिरिएको छ ।

रियल मड्रिडले सेमिफाइनलमा चेल्सीको सामना गर्ने भएको छ । चेल्सीले पोर्टोलाई हराउँदै यसअघि नै सेमिफाइनलमा पुगिसकेको छ ।

यता बोरुशिया डर्टमण्डमाथि दोस्रो लेगमा २–१ र समग्रमा ४–२ गोलअन्तरको जितपछि अर्को इंग्लिस टोली म्यानचेस्टर सिटीले सेमिफाइलमा फ्रान्सेली च्याम्पियन पेरिस सेन्ट जर्मेइन्सँग प्रतिस्पर्धा गर्ने भएको छ ।

पीएसजीले साविक विजेता बायर्न म्युनिखलाई अवे गोलका आधारमा पछि पार्दै सेमिफाइनलमा पुगेको हो ।

रियल मड्रिड पहिलो लेगमा सान्टियागो बर्नबाउमा हासिल गरेको ३–१ गोलको अग्रतासहित एनफिल्ड पुगेको थियो । चोटका कारण यो पूरै सिजन समस्यामा विताएको पूर्व च्याम्पियन लिभरपुलको नतिजा उल्ट्याउने प्रयास सफल हुन सकेन ।

यता सिटीले पनि घरेलु मैदानमा पहिलो लेगमा २–१ को जितसहित जर्मनी पुगेको थियो । डर्टमण्डले दोस्रो लेगमा पनि जित हासिल गर्न सकेन र पहिलो लेगकै नतिजा दोहोरियो ।

सिटी पहिलोपल्ट च्याम्पियन्स लिग जित्ने अभियानमा छ । त्यसो त सिटी र पीएसजी दुवै पहिलोपल्ट उपाधि जित्ने प्रयासमा रहँदा सेमिफाइनलमै यी दुईकाे भेट हुने भएकाे छ ।

प्रतिक्रिया

Leave a Reply

Your email address will not be published. Required fields are marked *