माओवादी पदाधिकारी बैठक आज पनि जारी

काठमाडौं । नेकपा माओवादी केन्द्रको पदाधिकारी बैठक आइतबार पनि बसेको छ । पेरिसडाँडास्थित पार्टी मुख्यालयमा बसेको बैठकमा निर्वाचनको समीक्षासहित नयाँ सरकार गठनका विषयमा छलफल भइरहेको छ ।

शनिबारबाट सुरू बैठकले पहिलो दिन सरकारमा जान सबै विकल्प खुला राख्ने निर्णय गरेको थियो । उक्त निर्णयप्रति सत्तारुढ गठबन्धन आबद्ध कांग्रेसले असन्तुष्टि जनाएको छ ।

गठबन्धनबाट ४६ सीटमा उम्मेदवारी दिएको माओवादी १७ सीटमा खुम्चिएपछि गठबन्धनसँग पनि असन्तुष्ट छ । आज पनि बैठकमा नयाँ सरकार गठन र गठबन्धनका विषयमा छलफल भइरहेको छ ।

गत ४ मंसिरमा सम्पन्न प्रतिनिधिसभा सदस्य निर्वाचनमार्फत तेस्रो राजनीतिक शक्ति बनेको माओवादी केन्द्रले पनि सरकारको नेतृत्वको आकांक्षा राखेको छ ।

तस्बिरहरू : उमेश कार्की ।