राष्ट्रियसभा अध्यक्षबारे माधव नेपाल- गठबन्धनमा सहमति जुट्छ (भिडिओ)
नेपाल प्रेस
२०८० फागुन १७ गते १६:२०
काठमाडौं । नेकपा एकीकृत समाजवादीका अध्यक्ष माधवकुमार नेपालले राष्ट्रियसभा अध्यक्ष पदका लागि गठबन्धनभित्र सहमति जुट्ने दाबी गरेका छन् ।
बिहीबार चितवनको भरतपुर विमानस्थलमा सञ्चारकर्मीसँग कुरा गर्दै उनले राष्ट्रियसभा अध्यक्ष पदमा गठबन्धनभित्रका दलको छुट्टाछुट्टै दाबी रहेपनि यसमा सहमति जुट्ने बताएका हुन् ।
गठबन्धनभित्र कुनै प्रश्न खडा नभएको र बलियो जगमा उभिएको उनको जिकिर थियो ।
‘केही समस्या आए छलफल गरेर सहमतिमा पुग्छौं । गठबन्धनभित्र दरार देखिए हल गर्छौं’, उनले भने ।
अध्यक्ष नेपाल भरतपुर भ्रमण वर्ष २०२४ को उद्घाटन सत्रमा सहभागी हुन चितवन आइपुगेका हुन् ।
नेपाल प्रेस
प्रकाशित: २०८० फागुन १७ गते १६:२०
प्रतिक्रिया
सम्बन्धित खवर
