सारुकको आत्महत्यामा अनुसन्धान बन्द, प्रहरी भन्छ- सुसाइड नोटसहित प्रतिवेदन पेश गर्छौँ (भिडिओ)

काठमाडौं । मोबाइल परीक्षण रिपोर्टमा सुसाइड नोट भेटिएसँगै कलाकार सारुक ताम्राकारको आत्महत्या प्रकरण अब ‘क्लोज्ड’ भएको छ ।

यसअघि एक नायिकालाई जोडेर आत्महत्या दुरुत्साहनमा आकर्षित हुने ब्यहोराका समाचारहरू बाहिर आएका थिए। तर सारुकको मोबाइलमा भेटिएको सुसाइड नोटमा उनले कसैलाई पनि आरोप लगाएका छैनन् ।

काठमाडौं प्रहरी प्रमुख दानबहादुर कार्कीले अब यो घटनालाई आत्महत्या मानेर सुसाइड नोट समावेश गरी अनुसन्धान प्रतिवेदन पेश गरिने बताए।

‘अब सुसाइड नोट राखेर पेश गर्ने छौँ’, एसएसपी कार्कीले भने।