सुर्खेत जिससमा गठबन्धन र एमालेका प्रतिनिधि बराबर, माओवादीलाई फकाएर बहुमत पुर्‍याउने एमालेकाे दाउ – Nepal Press

सुर्खेत जिससमा गठबन्धन र एमालेका प्रतिनिधि बराबर, माओवादीलाई फकाएर बहुमत पुर्‍याउने एमालेकाे दाउ

सुर्खेत । गठबन्धन र एमालेका बराबर प्रतिनिधि चुनिएपछि सुर्खेतमा जिल्ला समन्वय समिति प्रमुख छान्न गोलाप्रथा हुनसक्ने सम्भावना बढेको छ ।

यहाँ एमालेले सिम्ता, चिंगाड गाउँपालिका अध्यक्ष, उपाध्यक्ष तथा वीरेन्द्रनगर र भेरीगंगा नगरपालिकाको प्रमुख र उपप्रमुख जितेको छ । त्यस्तै एमालेले लेकबेशी नगरपालिकाको उपप्रमुख पनि जितेको छ । यसरी एमालेले कुल ९ मत पाउनेछ । यहाँ कांग्रेस र माओवादीको जोड्दा पनि जिसस प्रतिनिधिमा ९ मत हुन आउँछ ।

नेकपा माओवादीले चौकुने गाउँपालिकाको अध्यक्ष जितेको छ । यसबाहेकका स्थानीय तहका प्रमुख तथा उपप्रमुख कांग्रेसले जितेर ८ मत जम्मा गरेको छ ।

जिसस प्रमुख छान्न पालिकाका नवनिर्वाचित अध्यक्ष र उपाध्यक्षले मतदान गर्न पाउनेछन् ।

यहाँ एमालेले बहुमत पुर्‍याउन माओवादीलाई फकाउने प्रयास गरिरहेको छ । तर एमाले सुर्खेतका अध्यक्ष अमृत बिसीले अहिले त्यसबारे छलफल नै नभएको बताएका छन् । त्यस्तै नेकपा माओवादी केन्द्रका नेता कृष्ण जिसी जितेन्द्रले जिल्ला समन्वय समितिको बारेमा अहिले कुनै निष्कर्षमा नपुगेको बताए ।

सुर्खेतमा नौ पालिका छन् । नेपाली कांग्रेसका प्रभावशाली नेता केन्द्रीय उपसभापति पूर्णबहादुर खड्काको गृहजिल्ला समेत रहेको सुर्खेतमा २०७४ सालको निर्वाचनमा कांग्रेस एक्लैको जिल्ला समन्वय समितिमा बहुमत आएको थियो ।

प्रतिक्रिया

Leave a Reply

Your email address will not be published.

सम्बन्धित खवर