अमेरिकी ग्रीनकार्ड र नागरिकता लिने नेपालीको संख्या डेढलाख पुग्यो

काठमाडौं । सन् २०२० मा ७ हजार ८४७ जना नेपालीले अमेरिकी ग्रीनकार्ड लिएका छन् ।

सन् २०१९ देखि सन् २०२० को सेप्टेम्बर ३० सम्म अमेरिकी ग्रीनकार्ड लिनेको संख्या त्यति पुगेको डिपार्टमेन्ट अफ होमल्यान्ड सेक्युरिटीले जनाएको छ ।

आर्थिक वर्ष २०२० मा ग्रीनकार्ड पाउने नेपालीहरुमा सबैभन्दा धेरै शरणार्थीको रुपमा २७०५ जना छन् । सबैधन्दा धेरै टेक्ससमा १०९४ जना नेपालीले अमेरिकी ग्रीनकार्ड लिएका छन् ।

बितेका १० वर्षको तुलनामा सन् २०२० मा सबैभन्दा कम नेपालीले अमेरिकी ग्रीनकार्ड प्राप्त गरेका छन् । आर्थिक वर्ष २०१९ मा १० हजार २०१ जना नेपालीले अमेरिकी ग्रीनकार्ड प्राप्त गरेका थिए ।

डिपार्टमेन्ट अफ होमल्यान्ड सेक्युरिटीका अनुसार अमेरिकामा ग्रीनकार्ड लिने नेपालीको संख्या १९८९ देखि २०२० सम्म १ लाख ३९ हजार ३६९ छ । आर्थिक वर्ष २०२१ को अनुमानित तथ्यांक जोड्दा ग्रीनकार्ड लिने नेपालीको संख्या झन्डै डेढलाख हुन आउँछ ।