कांग्रेस महामन्त्रीको दौडः अघिअघि गगन, दोस्रोमा त्रिपक्षीय प्रतिस्पर्धा – Nepal Press

कांग्रेस महामन्त्रीको दौडः अघिअघि गगन, दोस्रोमा त्रिपक्षीय प्रतिस्पर्धा

काठमाडौं । नेपाली कांग्रेस महामन्त्री पदका लागि भएको निर्वाचनको मतगणना जारी छ । प्रारम्भिक रुझान हेर्दा संस्थापनइतर समूहका उम्मेदवार गगन थापा जितको यात्रामा देखिएका छन् ।

मतगणनाको सुरूदेखि नै ठूलो अन्तरालका साथ गगनले अग्रता लिइरहेका छन् । यही रुझान कायम रहे उनले सहज जित हासिल गर्ने देखिएको छ । निकट प्रतिस्पर्धीभन्दा उनी झण्डै डेढ गुणा बढी मतले अगाडि छन् ।

दोस्रो स्थानका लागि भने तीब्र प्रतिस्पर्धा देखिएको छ । प्रकाशमान सिंहको प्यानलबाट उठेका विश्वप्रकाश शर्मासित शेरबहादुर देउवा प्यानलका प्रदीप पौडेल र प्रकाशशरण महतले कठिन संघर्ष गरिरहेका छन् ।

कांग्रेस महामन्त्रीका लागि ६ उम्मेदवार खडा भएका थिए । शेखर कोइरालाको प्यानलबाट उठेका दोस्रो उम्मेदवार डा. मिनेन्द्र रिजाल प्रतिस्पर्धामा पछि परेका छन् । विमलेन्द्र निधिको प्यानलबाट खडा भएका राजाराम कार्कीको उल्लेख्य मत आएको छैन ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर