ओलीलाई विश्वप्रकाशको जवाफ- कांग्रेसको आलोचना गर्दा एमालेको हालत नर्बिसनु

काठमाडौं । नेपाली कांग्रेसका प्रवक्ता विश्वप्रकाश शर्माले कांग्रेसमाथि आरोप लगाउँदा आफ्नो पार्टीको अवस्था हेक्का राख्न नेकपा एमालेका अध्यक्ष केपी शर्मा ओलीलाई सुझाएका छन् ।

एमालेको वडा अधिवेशन उद्घाटनका क्रममा एमाले अध्यक्ष ओलीले आफूलाई लोकतान्त्रिक भन्ने कांग्रेसजस्तो पार्टीले ५ वर्षसम्म महाधिवेशन गर्न नसकेको भनी टिप्पणी गरेका थिए ।

सामाजिक सञ्जालमार्फत् जवाफ फर्काउँदै कांग्रेस प्रवक्ता शर्माले कांग्रेसभन्दा पहिले एमालेको महाधिवेशन भएको तथ्य नबिर्सन आग्रह गरेका हुन् ।

‘कांग्रेसले ५ वर्षभित्र महाधिवेशन गर्न सकेन भन्ने कमरेड केपी शर्मा ओलीको आलोचना स्वीकार्य, आलोचना गर्दा तथ्यको हेक्का नराख्नु भने लज्जास्पद । कांग्रेसको २०७२ फागुनमा महाधिवेशन हुनुभन्दा २० महिनाअघि एमालेको २०७१ असारमा भएको थियो महाधिवेशन’, शर्माले भनेका छन् । उनले कांग्रेसलाई एक औला चेस्र्याउँदा बाँकी औला ओलीतिरै तेर्सिएको उल्लेख गरेका छन् ।