युरो २०२०: जर्मनीलाई हराउँदै इङ्ल्यान्ड क्‍वार्टरफाइनलमा – Nepal Press

युरो २०२०: जर्मनीलाई हराउँदै इङ्ल्यान्ड क्‍वार्टरफाइनलमा

काठमाडौं । जर्मनीलाई पराजित गर्दै इङ्ल्यान्ड युरो २०२० को क्‍वार्टरफाइनलमा पुगेको छ । मंगलबार राति लन्डनस्थित वेम्ब्ली स्टेडियममा भएको खेलमा इङ्ल्यान्डलाई जित दिलाउन राहिम स्टर्लिङ र कप्तान ह्यारी केनले १/१ गोल गरे ।

पहिलो हाफ गोलरहित बराबरीमा सकिएको खेलको अन्तिम १५ मिनेटमा दुई गोल गर्दै इङ्ल्यान्डले अन्तिम ८ स्थान सुरक्षित गर्‍यो ।

इङ्ल्यान्डले जर्मनीलाई ठूला प्रतियोगितामा १९६६ पछि पराजित गरेको पहिलो पटक हो । जितसँगै क्‍वार्टरफाइनलमा पुगेको इङ्ल्यान्डले स्वीडेन र युक्रेनबीचको विजेतासँग खेल्ने छ ।

२०१४ को विश्वकप विजेता जर्मनी युरो २०१६ को सेमिफाइनलबाट बाहिरिएको थियो भने २०१८ विश्वकपमा समूह चरण पार गर्न असफल भएको थियो ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर