युरो २०२०: फ्रान्सलाई पेनाल्टीमा हराउँदै स्वीट्जरल्यान्ड पहिलो पटक क्‍वार्टरफाइनलमा – Nepal Press

युरो २०२०: फ्रान्सलाई पेनाल्टीमा हराउँदै स्वीट्जरल्यान्ड पहिलो पटक क्‍वार्टरफाइनलमा

काठमाडौं । फ्रान्सलाई पेनाल्टी सुट आउटमा पराजित गर्दै स्वीट्जरल्यान्ड युरो २०२० को क्‍वार्टरफाइनलमा पुगेको छ ।

निर्धारित ९० मिनेटको खेल ३-३ गोलको बराबरीमा रोकिएको थिइ भने ३० मिनेटको अतिरिक्त समयमा बाँकी गोल हुन नसक्दा नतिजा पेनाल्टी सुटआउट मार्फत् गरिएको थियो ।

फ्रान्सका लागि करिम बेन्जिमाले दुई तथा पौल पोग्बाले एक गोल गरेका थिए भने स्वीटजरल्यान्डका लागि ह्यारीस सेफेरोभिचले दुई तथा मारियो गाभ्रानोभिचले एक गोल गरेका थिए ।

फ्रान्सका स्टार फरवार्ड किलियान एम्बाप्पेले हानेको पेनाल्टी स्वीस गोलकिपर यान सोम्मरले बचाएसँगै स्वीट्जरल्यान्डले युरोपियन च्याम्पियनसिपमा पहिलो पटक क्‍वार्टरफाइनलको यात्रा तय गरेको हो ।

स्वीट्जरल्यान्डका पाँचै खेलाडीले पेनाल्टीमा गोल गर्न सकेका थिए भने फ्रान्सले ४ वटा प्रहारलाई मात्रै जाली चुमाउन सकेको थियो । स्वीट्जरल्यान्डले सेमिफाइनल प्रवेशका लागि स्पेनको सामना गर्नेछ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर