ग्रिजम्यानको गोलमा हारबाट जोगियो फ्रान्स – Nepal Press

ग्रिजम्यानको गोलमा हारबाट जोगियो फ्रान्स

काठमाडौं । युरो २०२० को पहिलो खेलमा जर्मनीविरुद्ध जित निकालेको विश्वकप च्याम्पियन फ्रान्स समूह ‘एफ’मा आफ्नो दोस्रो खेलमा हंगेरीविरुद्ध १-१ गोलको बराबरीमा रोकिएको छ ।

शनिबार भएको खेलमा हंगेरीविरुद्धको पहिलो हाफमा १-० ले पछि परेको फ्रान्सले दोस्रो खेलमा गोल फर्काउँदै बराबरी गरेको हो ।

पहिलो हाफको इन्जुरी समयमा अटिला फिओलाले गरेको गोलसँगै घरेलु टोलीले अग्रता लिएको थियो । उनले रोलान्ड सल्लाईको पासमा पेनाल्टी एरिया भित्रबाट प्रहार गर्दै गोल गरेका थिए ।

दोस्रो हाफमा आक्रामक बनेको फ्रान्सका लागि एन्टोइन ग्रिजम्यानले ६६औं मिनेटमा काउन्टर अट्याकमा बराबरी गोल फर्काएका थिए । बाँकी समयमा दुवैतर्फबाट गोल हुन नसक्दा खेल बराबरीमा रोकिएको थियो ।

बराबरीसँगै फ्रान्सले दुई खेलबाट ४ अंक जोडेको छ भने पहिलो खेलमा पोर्चुगलसँग ३-० ले पराजित भएको हंगेरीको यो पहिलो अंक हो ।

हंगेरीले समूह चरणको अन्तिम खेलमा जर्मनी तथा फ्रान्सले पोर्चुगलको सामना गर्नेछ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर