युरो २०२० मा आज तीन खेल : ६:४५ मा स्वीटजरल्यान्ड र वेल्स भिड्दै – Nepal Press

युरो २०२० मा आज तीन खेल : ६:४५ मा स्वीटजरल्यान्ड र वेल्स भिड्दै

काठमाडौं । शुक्रबार रातिदेखि सुरु भएको युरो २०२० मा आज शनिबार समूह ‘ए’ र समूह ‘बी’ गरी तीन खेल हुँदैछन् ।

नेपाली समयअनुसार बेलुका ६:४५ बजे समूह ‘ए’अन्तर्गत हुने खेलमा स्वीटजरल्यान्ड र वेल्स भिड्नेछन् ।

अजरबैजानको बाकु ओलम्पिक रंगशालामा हुने यो खेलमा दुवै टोली जित निकाल्न चाहन्छन् । शुक्रबार राति भएको उद्घाटन खेलमा इटालीले घरेलु मैदानमा टर्कीलाई ३-० ले पराजित गर्दै शीर्ष स्थान ओगटिसकेको छ ।

यस्तै, नेपाली समयअनुसार राति ९:४५ बजे हुने समूह बीको पहिलो खेलमा डेनमार्कले फिनल्यान्डको सामना गर्दैछ । यो खेल पार्केन रंगशाला कोपनहेगन- डेनमार्कमा हुनेछ ।

यस्तै राति १२:४५ बजे हुने समूह बी कै दोस्रो खेलमा बेल्जिमयले रुसको सामना गर्नेछ ।

प्रतियोगिताको उपाधि दाबेदारको रूपमा हेरिएको बेल्जियमले रुसकै क्रेस्टोभ्स्की रंगशालामा घरेलु टोलीको सामना गर्दै प्रतियोगिताको सुरुआत गर्नेछ ।


प्रतिक्रिया

Leave a Reply

Your email address will not be published. Required fields are marked *