माइनस ५१ डिग्रीमा पढ्न स्कुल जाँदै रुसी बालबालिका ! – Nepal Press

माइनस ५१ डिग्रीमा पढ्न स्कुल जाँदै रुसी बालबालिका !

मस्को/रुसको साइवेरियालाई संसारकै चिसो ठाउँमध्ये मानिन्छ । कोरोना महामारीको दौरान पनि यहाँ विद्यालय खुलै छन् । हल्का चिसो बढ्ने वित्तिकै नेपालमा विद्यालय बन्द हुन्छन् । तर, रुसको ओएमयाकोन सहरको तापक्रम माइनस ५१ डिग्री सेल्सियस हुँदा पनि त्यहाँका स्कुल खुलै छन् ।

कठ्याङग्रिने चिसोको बाबजुद पनि बालबालिका विद्यालय गइरहेका छन् । यो स्कुल ११ वर्षभन्दा मुनिका बालबालिकाको लागि तब बन्द हुन्छ जतिबेला तापक्रम माइनस ५२ डिग्री सेल्सियसभन्दा कम हुन्छ ।

८३ वर्ष पुरानो यो स्कुल रुसको एउटा गाउँमा छ । सन् १९३२ मा स्टालिनको शासनको बेला यो विद्यालय स्थापना गरिएको थियो । ओएमयाकोन गाउँको जनसंख्या करिब २५ सय छ । हुलाक र बैंकजस्ता कार्यालय पनि यहाँ खुलेका छन् ।

यो दुर्गम र निकै चिसो थलोमा समेत कोरोना भाइरसको महामारी फैलिएको छ । महामारीमा पनि विद्यालय खुलै छन् । शंका लाग्ने वित्तिकै अभिभावक र विद्यार्थीको कोरोना परिक्षण गर्ने गरिएको छ ।

प्रतिक्रिया

Leave a Reply

Your email address will not be published.