क्रसरमा च्यापिएर एक मजदुरको मृत्यु, अर्का घाइते- घटना शंकास्पद भएको आफन्तको भनाइ
नेपाल प्रेस
२०८१ जेठ १० गते १२:०३
फाइल तस्बिर
जनकपुरधाम । धनुषाको गणेशमान चारनाथ नगरपालिका-६ स्थित क्रसर मेसिनमा च्यापिएर एक मजदुरको मृत्यु भएको छ भने अर्का एकजना घाइते भएका छन् ।
मृत्यु हुनेमा स्थानीय २० वर्षीय मजदुर अर्जुन यादव छन् । कमला स्टोन क्रसर बुधबार राति करिब १ बजे अर्जुनको मृत्यु भएको धनुषाका प्रहरी प्रवक्ता डिएसपी रञ्जन अवाले जानकारी दिए ।
उनका अनुसार मेसिनमै च्यापिएर बारा निजगढका ४५ वर्षीय खेमकुमार मगर घाइते भएका छन् । उनको उपचार जनकपुरधामस्थित समर अस्पतालमा भइरहेको छ ।
मृतकका आफन्तले घटना शंकास्पद रहेको भन्दै छानबिनको माग गरेको छ । तर, डीएसपी अवाले अहिलेसम्मको अनुसन्धानमा शंकास्पद नदेखिएको बताएका छन् ।
नेपाल प्रेस
प्रकाशित: २०८१ जेठ १० गते १२:०३
प्रतिक्रिया
सम्बन्धित खवर
