रुसी सेनामा नेपाली युवा भर्तीबारे बोल्यो परराष्ट्र मन्त्रालय : युद्धग्रस्त मुलुकका सुरक्षासम्बन्धी काममा नजान आग्रह – Nepal Press

रुसी सेनामा नेपाली युवा भर्तीबारे बोल्यो परराष्ट्र मन्त्रालय : युद्धग्रस्त मुलुकका सुरक्षासम्बन्धी काममा नजान आग्रह

‘सम्झौता गरिएका बाहेक मुलुकको सेनामा भर्ना हुन अनुमति दिने संयन्त्र छैन’

काठमाडौं । परराष्ट्र मन्त्रालयले सम्झौता अन्तर्गत बाहेकका देशका राष्ट्रिय सेनामा नेपाली नागरिक भर्ना हुन अनुमति दिने कुनै पनि निकाय नरहेको स्पष्ट पारेको छ ।

मन्त्रालयले एक विज्ञप्ति जारी गर्दै युद्धग्रस्त देशहरुमा नजान सचेत गराएको हो । पछिल्लो समयमा रुस युद्धमामा नेपालीहरु गइरहेको सूचनाहरुलाई संकेत गर्दै मन्त्रलायले आज जारी गरेको विज्ञप्तीमा परम्परागत रुपमा सम्झौता भएका देशहरुमा बाहेक अन्त नजान आग्रह गरेको छ ।

मन्त्रालयले परम्परागत सम्झौता भएका देश भन्नाले बेलायत र भारतलाई संकेत गरेको हो । मन्त्रालयको सूचनामा भनिएको छ, ‘कसैको झुक्यानमा परी वा गलत सूचनाका आधारमा युद्धग्रस्त मुलुकहरुमा सुरक्षा सम्बन्धी काममा नजानुहुन अनुरोध गरिन्छ । यस्ता गतिविधिमा संलग्न हुँदा आएपर्ने जोखिम र उद्दारमा हुने कठिनाइ प्रति सजग रहन समेत सबैमा सूचित गरिन्छ ।’

नेपाल प्रेसले सबैभन्दा पहिलोपटक रुसी फौजमा नेपालीहरु भर्ना भएको समाचार प्रकाशन गरेको छ । देशी विदेशी संचारमाध्यमहरु देखी सदनमा प्रधानमन्त्रीलाई नै प्रश्न गरिएको रुसी फौज मुद्धामा सरकारले किटान गरेर भने अहिलेसम्म बोलेको छैन । संकेतमा मात्रै बोलिरहेको छ ।

याे पनि पढ्नुस् :

रुसी फौजमा जोडिएका नेपाली युवा भन्छन्- यहाँ भारतीय र पाकिस्तानी पनि छन्

रुसी फौजमा जोडिएका नेपालीको आग्रह: ‘सोचे जस्तो छैन, अप्लाइ नगर्दा हुन्छ’ (भिडिओ)

दूतावासको ताकेता लत्याउँदै नेपाली युवा धमाधम रुसी फौजमा ! (भिडिओ)

युक्रेन युद्धसँगै सैनिक भर्तीबारे पुटिनको त्यो निर्णय- यसरी प्रवेश गर्दैछन् रुसी फौजमा नेपाली युवा (भिडिओ)


प्रतिक्रिया

Leave a Reply

Your email address will not be published. Required fields are marked *

सम्बन्धित खवर