विश्वकपः पहिलो हाफमा पोर्चुगल २–० ले अघि

काठमाडौं । कतारमा जारी फिफा विश्वकप २०२२ अन्तिम १६ अन्तर्गत स्विट्जरल्यान्डविरुद्धको खेलको पहिलो हाफमा पोर्चुगलले २–० गोलको अग्रता लिएको छ ।

लुसेल रंगशालमा जारी खेलको १७औं मिनेटमा गोनकालो रामोसले गोल गर्दै पोर्चुगललाई अग्रता दिलाएका थिए । कप्तान राेनाल्डाेकाे स्थानमा सुरुआती ११ मा स्थान बनाएका रामाेसले जिआ‌ओ फेलिक्सकाे पासमा गाेल गरेका थिए ।

राेनाल्डाे बिनै मैदान उत्रिएकाे पाेर्चुगलका लािग ३३औं मिनेटमा पेपेले गाेल गर्दै अग्रता दाेब्बर पारे । उनले ब्रुनाे फर्नान्डेजको पासमा हेडरमार्फत सुन्दर गोल गर्दै पोर्चुगललाई पहिलाे हाफमा २-० काे अग्रता दिलाए ।

विश्वकपमा पहिलो पटक आमनेसामने भएका पोर्चगल र स्विजरल्यान्डको भेट यूईएफए नेसन्स लिगमा दुई पटक भएको छ । दुई मध्य एक खेल पोर्चुगलले र एक खेल स्विजरल्यान्डले जितेका छन् ।

याे खेलकाे विजेताले क्वार्टरफाइनलमा माेरक्काेसँग खेल्नरेछ ।