विश्वकप उपाधिको खुसीयाली मनाउन अर्जेन्टिनामा आज बिदा, समर्थकमाझ विजेता टिम रहने
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2022/12/Argentina-fans3.jpg)
काठमाडौं। विश्वकप जितेको खुसीयालीमा मंगलबार अर्जेन्टिनामा सार्वजनिक बिदाको घोषणा गरिएको छ। यसअघि आइतबार अर्जेन्टिनाले फ्रान्सलाई हराएर ३६ वर्षपछि विश्वकप जितेपछि लाखौँ अर्जेन्टिनी राजधानी ब्युनोस आयर्स जम्मा भएका थिए।
विश्वकप जितेपछि कप्तान लियोनल मेस्सीले यो सफलताको खुसियाली अर्जेन्टिना पुगेर हेर्न चाहेको बताएका थिए। खुसियाली मनाउने केन्द्रका रुपमा परिचित ओबेलिस्कमा अर्जेन्टिनी टोलीसँग लाखौँ मानिसले खुसियाली आदान प्रदान गर्नेछन्।
‘यो जितको खुसियाली कस्तो हुनेछ म अर्जेन्टिना पुगेर हेर्न आँतुर छु। म सम्पूर्ण अर्जेन्टिनी समर्थकलाई धैर्य गर्न आग्रह गर्छु। म पनि त्यहाँ आउन र खुसियाली साट्न ब्यग्र छुु, मेस्सीले भनेका छन्। अर्जेन्टिनाले गत वर्षमात्र २८ वर्षपछि पहिलो सीनियर अन्तर्राष्ट्रिय फुटबल उपाधि जितेको थियो।