मेस्सीको सफलतामा रोनाल्डो मौन, एक सातायता सामाजिक सञ्जालमा छैन कुनै पोस्ट – Nepal Press

मेस्सीको सफलतामा रोनाल्डो मौन, एक सातायता सामाजिक सञ्जालमा छैन कुनै पोस्ट

काठमाडौं । लियोनल मेस्सीको विश्व च्याम्पियन सफलतामा उनका समकालीन प्रतिस्पर्धी क्रिस्टियानो रोनाल्डो मौन देखिएका छन् । उनले सार्वजनिक रुपमा कुनै धारणा सार्वजनिक गरेका छैनन् ।

अर्जेन्टिनाले साविक विजेता फ्रान्सलाई हराएर ३६ वर्षपछि विश्व च्याम्पियन बनेको झन्डै १५ घण्टा बित्दासम्म रोनाल्डोले बधाई दिएका छैनन् । पाँचपटकका फिफा वर्ष खेलाडी रोनाल्डोको टोली पोर्चुगल यसपटक क्वार्टरफाइनलबाटै बाहिरिएको थियो ।

उनी पछिल्ला खेलहरुमा सुरुवाती ११ मा समेत अँटाएका थिएनन् । मेस्सीले विश्वकप जितेसँगै रोनाल्डोसँग हुने गरेको तुलना पनि अन्त्य भएको फुटबल विज्ञहरुले उल्लेख गरेका छन् । रोनाल्डोले पोर्चुगलका लागि युरोकपसम्म जितेका छन् ।

डेलीमेलका अनुसार रोनाल्डोले एक साताअघि इन्स्टाग्राममा अन्तिम पोस्ट गरेका थिए । १० दिनअघि उनी ट्वीटरमा देखिएका थिए । उनले ८ दिनअघि फेसबुकमा अन्तिमपटक पोस्ट गरेका थिए ।


प्रतिक्रिया

Leave a Reply

Your email address will not be published. Required fields are marked *