राल्फ राङ्ग्निकलाई अन्तरिम प्रशिक्षक बनाउने युनाइटेडको तयारी – Nepal Press

राल्फ राङ्ग्निकलाई अन्तरिम प्रशिक्षक बनाउने युनाइटेडको तयारी

काठमाडौं । इङ्लिस क्लब म्यानचेस्टर युनाइटेडले राल्फ राङ्ग्निकलाई अन्तरिम प्रशिक्षकमा नियुक्त गर्ने तयारी गरेको इएसपीएनले बताएको छ ।

रुसी क्लब लोकोमोटिभ मस्कोका स्पोर्ट्स एन्ड डेभलोप्मेन्ट हेड राङ्ग्निकले आफ्नो जिम्मेवारी छाडेर युनाइटेडसँग ६ महिनाका लागि सम्झौता गर्न लागेकोसमेत इएसपीएनले दाबी गरेको छ ।

गत साता ओले गनर सोल्सायरलाई बर्खास्त गरेको युनाइटेडले पूर्व खेलाडी माइकल क्यारिकको नेतृत्वमा युरोपियन च्याम्पियन्स लिग खेलेको थियो ।

युनाइटेडले प्रिमियर लिगमा आइतबार चेल्सीसँग खेल्दै छ । यद्यपि, राङ्ग्निक वर्क परमिटका कारण त्यो खेलमा टच लाइनमा उपस्थित हुनेछैनन् । प्रिमियर लिगमा उनको नेतृत्वमा युनाइटेडले पहिलो खेल आर्सनलविरुद्ध डिसेम्बर २ मा खेल्ने सम्भावना छ ।


प्रतिक्रिया

Leave a Reply

Your email address will not be published. Required fields are marked *