राजकुमार लेखी ५५ जना नेता-कार्यकर्तासहित एमालेमा प्रवेश – Nepal Press

राजकुमार लेखी ५५ जना नेता-कार्यकर्तासहित एमालेमा प्रवेश

काठमाडौं । लोकतान्त्रिक समाजवादी पार्टी (लोसपा) बाट राजीनामा दिएका आदिवासी जनजाति नेता राजकुमार लेखी आजबाट औपचारिक रुपमा नेकपा एमालेमा प्रवेश गरेका छन् ।

एमालेको विधान महाधिवेशन समापन समारोहअघि आयोजित कार्यक्रममा लेखीसहित ५५ जना नेता कार्यकर्ता एमाले प्रवेश गरेका हुन् । लेखी साविक जसपा र नवगठित लोसपाको केन्द्रीय कार्यकारिणी समितिमा थिए ।

नेपाल आदिवासी जनजाति महासंघको अध्यक्ष रहिसकेका लेखी २०७४ सालको निर्वाचनमा सप्तरीबाट तत्कालीन राजपाको प्रदेशसभा सदस्य उम्मेदवार थिए । उनी २०६८ सालमा नेपाल नागरिक पार्टी गठन गरेर एमालेबाट बाहिरिएका थिए ।

एमालेमा हुँदा उनी केन्द्रीय संघीय मामिला विभागको सदस्य थिए । लेखीले एक दशकपछि घर फर्किएको भन्दै एमालेबाहेक अन्यत्र रहेर समृद्धि र समावेशीताको नेतृत्व नहुने देखेर पार्टी प्रवेश गरेको बताएका छन् ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर