ईपीएल खेल्न शाहिद अफ्रिदी नेपालमा (तस्बिरहरु) – Nepal Press

ईपीएल खेल्न शाहिद अफ्रिदी नेपालमा (तस्बिरहरु)

काठमाडौं । एभरेष्ट प्रिमियर लिग (ईपीएल) खेल्न पाकिस्तान पूर्व कप्तान शाहिद अफ्रिदी नेपाल आइपुगेका छन् । शनिबार देखि त्रिवि क्रिकेट मैदानमा सुरु हुने ईपीएलको चौथो संस्करणमा अफ्रिदीले काठमाडौं किङ्ग्स-११ बाट खेल्ने छन् ।

अफ्रिदी कतार एयरवेजबाट बिहीबार अफ्रिदी त्रिभुवन अन्तर्राष्ट्रिय विमानस्थलमा अवतरण गरेका हुन् । उनलाई ईपीएलका प्रमुख कार्यकारी अधिकृत (सीईओ) आमिर अख्तरसँगै पाकिस्तानी दूतावासका कर्मचारीले विमानस्थलमा स्वागत गरेका छन् ।

काठमाडौंले उद्घाटन खेलमा ललितपुर प्याट्रिओट्ससँग प्रतिस्पर्धा गर्नेछ ।

सन्दीप लामिछानेको कप्तानीमा रहेको काठमाडौंको टोलीमा अमित श्रेष्ठ, सुवास खकुरेल, राजु रिजाल, शेर मल्ल, सिद्धान्त लोहनी, मोहम्मद समसद शेख, दीपेन्द्र रावत, जितेन्द्र मुखिया, आशाक चन्द, अमरसिंह रौटेला, गुल्शन झा छन् ।

यस्तै विदेशी खेलाडीमा शाहिद अफ्रिदीसँगै, जनक प्रकाश, रेयान ब्रुल, रहमाउल्ला गुरबाज छन् ।


प्रतिक्रिया

Leave a Reply

Your email address will not be published. Required fields are marked *