रुपन्देहीमा एकीकृत समाजवादी रोज्ने जनप्रतिनिधि न्यून, एक उपप्रमुखसहित पाँचजनाले मात्रै छाडे एमाले – Nepal Press

रुपन्देहीमा एकीकृत समाजवादी रोज्ने जनप्रतिनिधि न्यून, एक उपप्रमुखसहित पाँचजनाले मात्रै छाडे एमाले

रुपन्देही । एमाले उपमहासचिव विष्णु पौडेल र घनश्याम भुसालको गृहजिल्ला रुपन्देहीमा एमाले छाडेर एकीकृत समाजवादी रोज्न जनप्रतिनिधि न्यून भएका छन् । सोमबारसम्म एक उपप्रमुखसहित पाँच जनाले मात्रै एमाले छाडेर नेकपा एकीकृत समाजवादी रोजेका छन् ।

रुपन्देहीको सिद्धार्थनगर नगरपालिकाकी उपप्रमुख उमा काफ्लेसहितका पाँचजनाले निर्वाचन कार्यालय भैरहवा पुगेर एकीकृत समाजवादीको पक्षमा सनाखत गरेका हुन् । काफ्ले नेता भुसालको निर्वाचन क्षेत्रकी हुन् ।

काफ्लेसहित बुटवलका वडा नं ३ का वडा सदस्य चिनबहादुर गुरुङ, वडा नं १८ का वडा सदस्य गोपाल नेपाल, वडा नं २ का सुनील शाक्य र तिलोत्तमाका कार्यपालिका सदस्य यज्ञेश्वर क्षत्रीले समाजवादी रोजेका हुन् । उनीहरुमध्ये गुरुङ र शाक्य पौडेलको निर्वाचन क्षेत्रका हुन् भने अन्य भुसालको निर्वाचन क्षेत्रका हुन् ।

रुपन्देहीमा समाजवादी रोज्न बाँकी रहेका केही जनप्रतिनिधिले भोलि मंगलबार सनाखत गराउने समाजवादी रुपन्देहीका संयोजक राजु गुरुङले जानकारी दिए ।

यहाँ एमालेले जितेका चार नगरपालिका र तीन गाउँपालिकाका सबै प्रमुख र अधिकांश पदाधिकारी एवम् सदस्य एमालेमै छन् ।

प्रतिक्रिया

Leave a Reply

Your email address will not be published.

सम्बन्धित खवर