विवेकशील-साझा विवाद: असन्तुष्ट पक्षको बैठकमा ४५ जना उपस्थित, ठोस निर्णय भएन – Nepal Press

विवेकशील-साझा विवाद: असन्तुष्ट पक्षको बैठकमा ४५ जना उपस्थित, ठोस निर्णय भएन

काठमाडौं । विवेकशील साझा पार्टीका संयोजक मिलन पाण्डेले बोलाएको केन्द्रीय समितिको भर्चुअल बैठक सकिएको छ । बैठकमा विविध एजेन्डामा छलफल भए पनि ठोस निर्णय भएन ।

पार्टीको केन्द्रीय सञ्चार विभागका उपप्रमुख हरिशप्रसाद भट्टका अनुसार बैठकमा ४५ जना केन्द्रीय सदस्यको उपस्थिति रहेको थियो । भोलि फेरि बस्ने गरी आजको बैठक स्थगित भएको उनले जानकारी दिए ।

बैठकले पार्टी अध्यक्ष रवीन्द्र मिश्र लगायतमाथि कारवाहीको निर्णय गर्ने चर्चा चले पनि यो विषय एजेन्डामा थिएन । भट्टका अनुसार बैठक सञ्चालनको कार्यविधि बनाउन केही नेताहरूलाई जिम्मा दिइएको छ ।

अहिले पार्टी अध्यक्ष रवीन्द्र मिश्रले डाकेको केन्द्रीय समिति बैठक जारी रहेको छ । पाण्डे समूहको बैठकमा सहभागी भएका केही नेता संस्थापन पक्षको बैठकमा पनि सहभागी रहेको बुझिएको छ ।

पार्टीमा उत्पन्न वैचारिक मतभेदसँगै अध्यक्ष मिश्र र संयोजक पाण्डेले छुट्टछुट्टै बैठक बोलाएका थिए ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर