चार महिनापछि कक्षाकोठामा विद्यार्थी (भिडियोसहित) – Nepal Press

चार महिनापछि कक्षाकोठामा विद्यार्थी (भिडियोसहित)

काठमाडौं । विश्वव्यापी फैलिएको कोरोना महामारीको दोस्रो लहरसँग बन्द भएका विद्यालयहरू खुल्न थालेका छन् । संक्रमणदरमा कमी आउन थालेसँगै काठमाडौंको गोकर्णेश्वर नगरपालिकाका सामुदायिक तथा संस्थागत विद्यालय आजदेखि संचालन गरिएको छ । महामारीको जोखिमका कारण अधिकांश विद्यालयहरूले अनलाइन कक्षा संचालन गरिरहेका छन् ।

गत वैशाख १६ देखि निषेधाज्ञा लागू भएसँगै विद्यालय बन्द भएका थिए । सरोकारवालासँगको बैठकपछि नगर शिक्षा समितिको बैठक राखेर भौतिक उपस्थितिमा विद्यालय खुलाउने निर्णय गरिएको नगरपालिकाका शिक्षा, युवा तथा खेलकुद शाखाका उपसचिव विजयप्रसाद आचार्यले जानकारी दिए ।

नगरपालिकाले अनिवार्य सर्तको रूपमा विद्यालय स्वयमले स्वास्थ्य तथा सुरक्षाको विश्वसनीय वातावरण बनाउन भनेको छ । स्वास्थ्यका मापदण्ड पालना नगरिए कारवाही गर्ने चेतावनीसमेत दिइएको छ ।

गोकर्णेश्वरमा हाल जोरबिजोर प्रणालीमा सिफ्ट अनुसार विद्यालय संचालन गरिएको हो ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर