प्रहरीलाई घुस दिन खोज्ने पक्राउ

सिन्धुली । कमलामाई नगरपालिका-६ माझीटारस्थित डिउटीमा खटिएको प्रहरीलाई नगद ५ सय रुपैयाँ दिइ आर्थिक प्रलोभनमा पार्न खोज्ने झापा बिर्तामोड नगरपालिका-३ बस्ने ५२ वर्षीय मेदनी रेग्मीलाई प्रहरीले पक्राउ गरेको छ ।

बिपि राजमार्गको प्रहरी चेक प्वाईन्टमा सवारी साधनहरुको सवारी पास जाँच गर्ने क्रममा झापाबाट काठमाडौं जान पास नलिई आएको मे १ च ६६८३ नम्बरको सुमोलाई उक्त स्थानमा खटिएको प्रहरीले जाँच गर्ने क्रममा चालक रेग्मीले उक्त नगद दिन खोजे पश्चात उनलाई उक्त सुमोसहित पक्राउ गरेको हो ।

यस सम्बन्धमा प्रहरीले थप आवश्यक अनुसन्धान गरिरहेको छ ।