कोपा अमेरिका: ब्राजिल र इक्वेडरले बराबरी खेले, भेनेजुएला बाहिरियो
नेपाल प्रेस
२०७८ असार १४ गते ११:१३
काठमाडौं । कोपा अमेरिका २०२१ को समूह बी अन्तर्गत सोमबार बिहान भएको खेलमा साविक विजेता ब्राजिलले इक्वेडरसँग १-१ गोलको बराबरी खेलेको छ ।
घरेलु मैदानमा भएको खेलको ३७औं मिनेटमा एडर मिलाटो गरेको गोलसँगै ब्राजिलले अग्रता लिएको थियो । पहिलो हाफमा १-० ले पछि परेको इक्वेडरका लागि ५३औं मिनेटमा सब्स्टिच्युट खेलाडी एन्जल मेनाले बराबरी गोल फर्काएका थिए ।
बाँकी समयमा दुवैतर्फबाट गोलका लागि निरन्तर प्रयास भए पनि फिनिसिङमा चुक्दा खेल १-१ गोलको बराबरीमा टुङ्गिएको हो ।
यस्तै समूह चरणको अन्तिम खेलमा पेरुसँग १-० गोलको नतिजामा पराजित भएसँगै भेनेजुएला समूह चरणबाटै बाहिरिएको छ ।
सोमबार बिहान ब्रासिलियामा भएको खेलमा पेरुलाई विजयी बनाउन एन्द्रे क्यारिलो एक मात्र गोल गरे ।
यसअघि नै समूह बीबाट ब्राजिल पेरु, कोलम्बिया र इक्वेडर क्वार्टरफाइनलमा पुगिसकेका छन् भने भेनेजुएला बाहिरिसकेको छ ।
नेपाल प्रेस
प्रकाशित: २०७८ असार १४ गते ११:१३
प्रतिक्रिया
सम्बन्धित खवर
