युरोपा लिग सेमिफाइनल- आर्सनल र भिल्लारियल तथा युनाइटेड र रोमा भिड्ने

एजेन्सी । इंग्लिस क्लबहरु आर्सनल र म्यानचेस्टर युनाइटेड युरोपा लिग फुटबलको अन्तिम चारमा पुगेका छन् । फाइनल प्रवेशका लागि आर्सनलले स्पेनिस प्रतिद्वन्द्वी भिल्लारियल तथा म्यानचेस्टर युनाइटेडले इटालियन टोली रोमासँग खेल्नुपर्नेछ ।

गएराति भएका क्वाटरफाइनल दोस्रो लेगमा आर्सनलले चेक रिपब्लिकको स्लाभिया प्राहालाई उसकै मैदानमा ४–० ले हरायो । इमिरेट्स रंगशालामा भएको पहिलो लेग १–१ गोलको बराबरीमा सकिएको थियो । आर्सनलले समग्रमा ५–१ को जित निकालेको हो ।

भिल्लारियलले युक्रेनको डाइनामो जग्रेवलाई दोस्रो लेगमा पनि २–१ ले हराएर समग्रमा ३–१ को नतिजासहित सेमिफाइनलमा पुगेको हो ।

यता म्यानचेस्टर युनाइटेडले स्पेनिस प्रतिद्वन्द्वी ग्रानाडामाथि गएराति ओल्ड ट्राफोटमा २–० कै जित निकाल्यो । अघिल्लो साता भएको पहिलो लेगमा पनि युनाइटेड २–० ले विजयी भएको थियो ।

पूर्व च्याम्पियन डच टोली आयाक्सलाई समग्रमा ३–२ गोलले पराजित गरी इटलीको रोमाले सेमिफाइनलमा स्थान सुरक्षित गरेको हो । पहिलो लेगमा २–१ को अग्रता बनाएको रोमाले दोस्रो लेगमा घरेलु मैदानमा १–१ गोलको बराबरी खेले पनि सेमिफाइनल पुग्न पर्याप्त भयो ।