मुस्लिम समुदायका कर्मचारीको विवरण तत्काल पठाउन मुस्लिम आयोगको निर्देशन – Nepal Press

मुस्लिम समुदायका कर्मचारीको विवरण तत्काल पठाउन मुस्लिम आयोगको निर्देशन

काठमाडौं । मुस्लिम आयोगले सबै जिल्ला समन्वय समिति र सबै स्थानीय तहमा कार्यरत मुस्लिम समुदायका कर्मचारीको विवरण तत्काल पठाउन सरकारलाई निर्देशन दिएको छ । आयोगले संघीय मामिला तथा सामान्य प्रशासन मन्त्रालयलाई परिपत्र गर्दै यस्तो निर्देशन दिएको हो । आयोगले मन्त्रालयलाई यस्तो निर्देशन दिएसँगै मन्त्रालयले ७७ वटै जिल्ला समन्वय समिति र सात सय ५३ वटै स्थानीय तहलाई पनि तत्काल विवरण उपलब्ध गराउन भनिसकेको छ ।

आयोगले सरकारी सेवामा मुस्लिम समुदायको सहभागिता सम्बन्धी अध्ययन गर्ने काम गरिरहेको भन्दै यस्तो विवरण मागेको हो । आयोगले मागेको विवरणमा कर्मचारीको नामथर, पदपूर्तिको किसिम, लिंग, हालको पद, श्रणी र तह, सेवा, समूह, उपसमूह, नियुक्ति भएको मिति, नियुक्ति हुदाँको पद, जन्म मिति, स्थायी ठेगाना, कर्मचारीको किसिम लगायतका छन् । यि सबै उल्लेख गरेर आयोगले ढाँचासहित संघीय मामिला तथा सामान्य प्रशासन मन्त्रालयमार्फत स्थानीय तहलाई परिपत्र गरिसकिएको छ ।


प्रतिक्रिया

Leave a Reply

Your email address will not be published. Required fields are marked *