सरोज खनाल र दीपाश्रीको फेसबुक एकाउन्ट ह्याक, ह्याकरले मागे एक लाख – Nepal Press

सरोज खनाल र दीपाश्रीको फेसबुक एकाउन्ट ह्याक, ह्याकरले मागे एक लाख

काठमाडौं । पछिल्लो समय सेलेव्रिटीको सामाजिक संजाल ह्याकरको कब्जामा पुग्न थालेको छ । नाम चलेका सेलेव्रिटीको फेसबुक र इन्स्टाग्राम ह्याक भएपछि ह्याकरले पैसा माग्न थालेका छन् ।

विहिबार अभिनेत्री एवं निर्देशक दीपाश्री निरौला र अभिनेता सरोज खनालको फेसबुक खाता ह्याक भएको छ । ह्याकरले फिल्मकर्मीलाई मेसेज गर्दै पैसा माग्न थालेका छन् ।

निरौलाको फेसबुक एकाउन्टबाट उनका ‘छक्का पञ्जा’ सह-निर्माता सुमन गिरी भाञ्जालाई पैसा मागिएको छ । ह्याकरले आफ्नो बच्चा बिरामी भएर उपचारका लागि अस्पतालमा रहेको र पैसा जरुरी भएको सन्देश नेपालीमा पठाएको अभिनेता दीपकराज गिरीले जानकारी दिए ।

भरतपुरबाट किशार शाह नाम गरेका व्यक्तिले मेसेज गर्दै पैसा मागेको दीपाश्रीले जानकारी दिइन् । दीपाश्री उजुरीका लागि महानगरीय अपराध महाशाखा पुगेकी छिन् ।

यसैगरि, अभिनेता खनालको समेत फेसबुक ह्याक भएको छ । उनको एकाउन्टबाट ह्याकरले मेसेज गर्दै पैसा माग्न थालेको जनाइएको छ । बेलायतस्थित नेपाली समाजसेवी इशा गुरुङले सरोजको एकाउन्टबाट मेसेज गरेर आफूसँग पैसा मागिएको जानकारी दिएकी छिन् ।

प्रतिक्रिया

Leave a Reply

Your email address will not be published.