ब्वाइज युनियनको जितमा मिलनको निर्णायक गोल

काठमाडौं । मिलन लिम्बुको निर्णायक गोल प्रेरित ब्वाइज युनियन क्लबले शहीद स्मारक ‘बी’ डिभिजन लिगमा शनिबार टुसाल युथ क्लबलाई १-० को नतिजामा पराजित गरेको छ ।

सातदोबाटोस्थित एन्फा कम्प्लेक्समा भएको खेलको ७२औं मिनेटमा मिलनले गरेको एक मात्र गोल निर्णायक बन्यो ।

जितसँगै १० खेलबाट १३ अंक जोडेको ब्वाइज युनियन चौथो स्थानमा छ । समान खेलबाट ९ अंक जोडेको टुसाल आठौं स्थानमा छ ।

लिग लिडर सातदोबाटो युथ क्लबको ९ खेलमा २५ अंक छ भने समान ९ खेलबाट २२ अंक जोडेको खुमलटार युथ क्लब दोस्रो स्थानमा छ ।