सोमपाल कामी, करण केसी र कुशल मल्लले टी–१० लिग खेल्ने

काठमाडाैं । राष्ट्रिय टोलीका तीव्र बलरद्वय सोमपाल कामी र करण केसीसहित युवा अलराउन्डर कुशल मल्लले युएईमा आयोजना हुने आसन्न टी–१० अर्थात १० ओभरको क्रिकेट प्रतियोगिता खेल्ने भएका छन् ।

बुधबार युएईमा भएको ‘ड्राफ्ट’मा सोमपाललाई मराठा अरेवियन्सले अनुबन्ध गरेको छ । मराठा गत सिजनको उपाधि विजेता टोली हो ।

करण केसीले भने पुने डेभिल्सबाट खेल्नेछन् । कुशललाई टिम आवुधावीले रोजेको हो ।

टी–१० लिगमा सन्दिप लामिछाने र पारस खड्काले अघिल्ला वर्षहरुमा खेलिसकेका छन् । पछिल्लो सिजन आबुधावीबाट खेलेका पारस यस सिजनका लागि त्यही टिमको इमर्जिङ प्लेयर मेन्टरको भूमिकामा रहनेछन् ।

सोमपालले यसअघि पनि क्यानडानमा आयोजित ग्लोवल ट्वान्टी–२० लिग खेलेर बिदेशी फ्रेन्चाइज लिगको अनुभव लिइसकेका छन् भने करण र कुशलका लागि यो पहिलो अनुभव हुनेछ ।