कोरोनाको भ्याक्सिन सम्बन्धी भ्रामक सूचना  हटाउँदै फेसबुक

एजेन्सी । फेसबुकले आफ्नो प्लेटफर्ममा भएका कोरोना भाइरसविरुद्धको भ्याक्सिन सम्बन्धी भ्रामक सूचना तथा पोस्टहरू डिलिट गरेको छ ।
इज्रायलका न्याय मन्त्रीले बताएअनुसार सरकारले फेसबुकले सरकारको आह्वानमा आफ्नो प्लेटफर्मबाट भ्रामक सूचना हटाएको अन्तर्राष्ट्रिय सञ्चारमाध्यमहरूले बताएका छन् ।

गत शनिबार इजराइलका प्रधानमन्त्री बेन्जामिन नेतान्याहु देशकै पहिलो कोरोना विरुद्धको भ्याक्सिन लगाउने नागरिक बनेका थिए । त्यहाँ जारी भएको भोटिङ पोलमा एक तिहाइ नागरिक भ्याक्सिन लगाउने पक्षमा उभिएका थिए ।

‘कोरोना भाइरसविरुद्धको भ्याक्सिनको सम्बन्धमा गलत सूचना फैलाउन सम्प्रेषण गरिएका त्यस्ता म्यासेज, फोटो र भिडियो हटाइएको छ,’न्याय मन्त्रीले भने ।

यसरी जारी गरिएका भ्रामक सूचनामा सरकारले नागरिकको जीवनमाथि खेलवाड गरेको, मानिसलाई भ्याक्सिनको परीक्षणका लागि प्रयोग गरिएको, नागरिकको शरीरमा विष घोलिएको जस्ता भ्रामक र गलत जानकारी समावेश गरिएको न्यायमन्त्रीले बताए ।

फेसबुकका प्रवक्तार्ले कम्पनीको नीतिभन्दा बाहिर पाइएका हिब्रु भाषाका चारवटा समूहहरू खारेज गरेको’ बताएका छन् । उनका अनुसार ती समूहहरूमा कोरोना भाइरसविरुद्धको भ्याक्सिन सम्बन्धी गलत सूचना सम्प्रेषण हुने गरेको पाइएको थियो ।