बार्सिलोनाले शीर्ष स्थानको सोसिडाडलाई हरायो – Nepal Press

बार्सिलोनाले शीर्ष स्थानको सोसिडाडलाई हरायो

एजेन्सी । स्पेनिस ला लिगामा बार्सिलोनाले शीर्ष स्थानको रियल सोसिडाडबिरुद्ध २–१ गोलको पुनरागमन जित हासिल गरेको छ । यो जितले सोसिसाडलाई दोस्रो स्थानमा झारेको छ ।

पोर्टुले पास दिएको बल सदुपयोग गरी विलियम डा शिल्भाले पाहुना टोली सोसिडाडका लागि गोल गरेका थिए । तर तीन मिनेटपछि नै जोर्डी अल्बाले बराबरी गोल फर्काए ।

पहिलो हाफको २ मिनेटअघि फ्रेन्की डीजोङले गोल गरेपछि बार्सिलोनाले अग्रता बनायो । दोस्रो हाफमा गोल हुन सकेन ।

यो जितले बार्सिलोना १२ खेलबाट २० अंकसहित पाँचौं स्थानमा उक्लिएको छ । एट्लेटिको मड्रिड र रियल मड्रिडसँग समान २६ अंक भए पनि सोसिडाड गोलअन्तरमा पछि पर्दै दोस्रो स्थानमा पुगेको हो । एट्लेटिको र रियल क्रमसः पहिलो र तेस्रो स्थानमा छन् ।


प्रतिक्रिया

Leave a Reply

Your email address will not be published. Required fields are marked *