डलर देखाइ ठगी गरेको आरोपमा हेटौंडाबाट ४ जना पक्राउ

हेटौंडा । मकवानपुर प्रहरीले अमेरिकी डलरसहित चारजनालाई हेटौंडाबाट पक्राउ गरेको छ । डलर देखाएर ठगी गरेको भन्दै प्रहरीले हेटौंडा उपमहानगरपालिका– १७ बाट उनीहरुलाई पक्राउ गरेको हो ।

उनीहरुको साथबाट ३ वटा मोटरसाइकल, अमेरिकी डलर १ हजार ७४१ र नेपाली रुपैयाँ ६ हजार २१० बरामद गरिएको बागमती प्रदेश प्रहरी कार्यालय हेटौंडाले जानकारी दिएको छ ।

पक्राउ परेकाहरुलाई जिल्ला प्रहरी कार्यालय मकवानपुरले आज सार्वजनिक गर्दैछ ।