सर्वदलीयअघि सत्तारूढ गठबन्धनको बैठक बस्दै
नेपाल प्रेस
२०७८ पुष ४ गते १३:२६
फाइल तस्बिर ।
काठमाडौं । प्रधानमन्त्री शेरबहादुर देउवाले आह्वान गरेको सर्वदलीय बैठकअघि बस्नुअघि सत्तारूढ गठबन्धनको बैठक बस्ने भएको छ ।
दिउँसो ४ बजे सर्वदलीय बैठक बोलइएको छ भने त्यो भन्दाअघि दिउँसो २ बजे गठबन्धनको बैठक बस्न लागेको हो।
दुवै बैठक प्रधानमन्त्री निवास बालुवाटारमा बस्ने भएका हुन् ।
अमेरिकी अनुदान सहायता कार्यक्रम मिलिनियम च्यालेन्ज कर्पोरेसन (एमसीसी) लगायतका विषयमा छलफल गर्न सर्वदलीय बैठक बस्न लागेको हो । त्यस भन्दाअघि गठबन्धनमा यो विषयमा साझा धारणा बनाउने प्रयास हुनेछ।
सर्वदलीय बैठकमा प्रमुख प्रतिपक्षी नेकपा (एमाले) भने नजाने भएको छ ।
आफूबाट छुुट्टीएर गएको एकीकृत समाजवादी अवैध भएको भन्दै एमालेले एकीकृत समाजवादी पार्टी सहभागी भएको बैठक तथा कार्यक्रमहरु बहिस्कार गर्दै आएको छ ।
नेपाल प्रेस
प्रकाशित: २०७८ पुष ४ गते १३:२६
प्रतिक्रिया
सम्बन्धित खवर
