उपाध्यक्षमा अष्टलक्ष्मीलाई सर्वाधिक मत, बादलको सबैभन्दा कम

काठमाडौं । एमालेको पदाधिकारीमा अध्यक्ष केपी शर्मा ओलीले जारी गरेको सूचीअनुसार नै मतदाताले भोट हालेका छन् । उपाध्यक्षमा सूचीबाहिरबाट उम्मेदवारी दिएका घनश्याम भुसाल पराजित भए ।

ओलीको सूचीमा परेका अष्टलक्ष्मी शाक्य, युवराज ज्ञवाली, रामबहादुर थापा ‘बादल’, विष्णु पौडेल, सुरेन्द्र पाण्डे र सुवास नेम्वाङ उपाध्यक्षमा विजय भएका छन् । उनीहरूमध्ये अष्टलक्ष्मीले सर्वाधिक भोट प्राप्त गरेको निर्वाचन आयोगबाट घोषित मतपरिणामले देखाएको छ ।

शाक्यले १९७६, पौडेलले १८५६, पाण्डेले १९२५, नेम्वाङले १८६५, ज्ञवालीले १८४२ र थापाले १७६८ मत ल्याएको आयोगले जानकारी दिएको छ । पराजित उम्मेदवार भुसालले ७२५ भोट ल्याएका छन् ।