बन्दसत्रको प्रवेशद्वारमा स्क्यानर मेसिन (तस्बिर / भिडिओ) – Nepal Press
एमाले महाधिवेशन

बन्दसत्रको प्रवेशद्वारमा स्क्यानर मेसिन (तस्बिर / भिडिओ)

चितवन । नेकपा एमालेको महाधिवेशनअन्तर्गत बन्दसत्र केही बेरमा सुरू हुँदैछ । बिहान ८ बजे नै बन्दसत्र तय गरिएकोमा सहमतिको प्रयासमा नेताहरू लागेकाले निर्धारित समयभन्दा ५ घण्टा ढिला बन्दसत्र सुरू गर्न लागिएको हो ।

अहिले बन्दसत्रस्थलमा प्रतिनिधि धमाधम प्रवेश गरिरहेका छन् । महाधिवेशनमा प्रविधिको प्रयोगलाई प्राथमिकता दिएको एमालेले बन्दसत्रको मुलद्वारमा परिचयपत्र स्क्यान गरेरमात्र छिर्न दिइएको छ । क्यूआर कोर्ड स्क्यानमार्फत प्रतिनिधि र आयोजक यकिन गरी स्वयंसेवकहरूले उनीहरूलाई प्रवेश गराएका छन् । हिजो अध्यक्ष केपी ओलीले रिमोट थिचेर नेपालको राष्ट्रिय झण्डा, सूर्यअंकित झण्डा र कम्युनिष्टको झण्डा फहराएर महाधिवेशन उद्घाटन गरेका थिए ।

बन्दसत्रमा हुनसक्ने सम्भावित घुसपेठलाई मध्यनजर गरी प्रवेशद्वारमा कडाइ गरिएको छ । परिचयपत्रबिनाका कसैलाई पनि भित्र पस्न दिइएको छैन ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर