अर्घाखाँची कांग्रेस सभापतिमा पौडेल समूहका श्रेष्ठ विजयी

रूपन्देही । नेपाली कांग्रेस अर्घाखाँचीको सभापति पदमा वरिष्ठ नेता रामचन्द्र पौडेल समूहका केशव श्रेष्ठ विजयी भएका छन् । श्रेष्ठ सभापतिमा निर्वाचित हुँदा शेरबहादुर देउवा पक्षीय यादव प्रसाद घिमिरेले सवैभन्दा कम मत प्राप्त गरेका छन् ।

घिमिरेलाई कांग्रेस नेतृ पुष्पा भुसाल र मानबहादुर बिश्वकर्माले अगाडि सारेका थिए । नेपाली कांग्रेस अर्घाखाँचीको १४ औं अधिवेशनबाट निकटतम प्रतिद्वन्दी ईन्द्रमणि पौडेललाई पराजित गर्दै केशव श्रेष्ठ सभापति पदमा विजयी भएका हुन् ।

केशव श्रेष्ठले ७३१ मत प्राप्त गर्दा निकटतम प्रतिद्वन्दी इन्द्रमणि पौडेलले ३५२ मत प्राप्त गरेका छन् । त्यस्तै यादव प्रसाद घिमिरेले ३०९ मत प्राप्त गरेका छन् । २७ मत बदर भएको छ । गएराती सम्पन्न निर्वाचनमा कुल १४३८ मतदातामध्ये १४२१ मत खसेको थियो ।

निवर्तमान सभापतिसमेत रहेका बिष्णुप्रसाद खनाल (मुस्कान)ले उम्मेदवारी फिर्ता गरेपछि महासमिति सदस्य केशब श्रेष्ठ, महाधिवेशन प्रतिनिधि ईन्द्रमणि पौडेल र नेपाल शिक्षक संघका जिल्ला अध्यक्ष यादव घिमिरेबीच सभापति पदमा निर्वाचन भएको थियो ।