म्यानचेस्टर युनाइटेडका प्रशिक्षक ओले बर्खास्त – Nepal Press

म्यानचेस्टर युनाइटेडका प्रशिक्षक ओले बर्खास्त

काठमाडौं । म्यानचेस्टर युनाइटेडले मुख्य प्रशिक्षक ओले गनर सोल्सायरलाई पदबाट बर्खास्त गरेको छ । इङ्लिस प्रिमियर लिगमा लगातार खराब लयमा रहेको युनाइटेडले पछिल्लो समयको नतिजाका कारण ओलेलाई बर्खास्त गरेको हो ।

ओलेको बर्खास्तीसँगै युनाइटेडको अन्तरिम प्रशिक्षकमा पूर्व खेलाडी माइकल क्यारिकलाई नियुक्त गर्ने बताएको छ । प्रिमियर लिगमा घरेलु मैदानमा राइभल लिभरपुलसँग ५–० र म्यानचेस्टर सिटीसँग २–० को नतिजामा लज्जास्पद पराजय भोगेसँगै प्रशिक्षक ओले संकटमा थिए ।

प्रिमियर लिगअन्तर्गत शनिबार राति भएको खेलमा रेलिगेसन जोनमा रहेको वाटफोर्डसँग ४–१ को लज्जास्पद पराजय भोगेसँगै ओले बखास्त भएका हुन् ।

प्रिमियर लिगमा पछिल्ला पाँच खेलमध्ये एक जित र चार हार बेहोरेको युनाइटेड १२ खेलबाट १७ अंक जोडेर लिग तालिकाको सातौं स्थानमा छ ।


प्रतिक्रिया

Leave a Reply

Your email address will not be published. Required fields are marked *