एप्पलले आइफोन-१३ को स्क्रिन परिवर्तन सहज बनाउने – Nepal Press

एप्पलले आइफोन-१३ को स्क्रिन परिवर्तन सहज बनाउने

काठमाडौं । एप्पलको आइफोन–१३ को स्क्रिन थर्ड–पार्टी सर्भिस सेन्टरमा परिवर्तन गर्दा फेस आइडीले काम नगरेको तथ्य केही समयअघि बाहिरिएको थियो । तर कम्पनीले तत्कालै यो समस्या हल हुने गरी आगामी सफ्टवेयर अपडेटमा यसको समाधान हुने बताएको छ ।

हालसम्म यसरी थर्ड पाटी सर्भिस सेन्टरमा स्क्रिन प्रतिस्थापन गरेपछि माइक्रोकन्ट्रोलर चिप पनि सार्नुपथ्र्यो । आगामी अपडेटसँगै त्यसको झन्झटबाट प्रयोगकर्ता मुक्त हुने कम्पनीले बताएको छ ।

‘आगामी अपडेटमा त्यो समस्याको समाधान हुनेछ,’ कम्पनीले इन्डग्याजेटसँग भनेको छ ।

ओरिजिनल स्क्रिनमा भएको माइक्रोकन्ट्रोलर चिप सार्नु निक्कै कठिन थियो । यसमाथि प्रयोगकर्ताले असन्तुष्टी व्यक्त गरेसँगै कम्पनीले सफ्टवेयर अपडेटमार्फत् यसको समाधान खोजेको हो ।


प्रतिक्रिया

Leave a Reply

Your email address will not be published. Required fields are marked *