नेपालको फिफा वरीयता खस्कियो
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/10/nepali-football-team-saff.jpg)
काठमाडौं । फिफाले विहीबार सार्वजनिक गरेको नयाँ सूचीअनुसार नेपाली राष्ट्रिय टोलीको वरीयता एक स्थान खस्किएको छ । गत महिना (सेप्टेम्बरमा) १ सय ६८औं स्थानमा रहेको नेपाल एक स्थान तल झरेर १ सय ६९ औं स्थानमा पुगेको छ ।
नेपालले यसबीचमा दक्षिण एसियाली फुटबलको सबैभन्दा ठूलो प्रतियोगिता खेलेर उपविजेता पनि बनेको थियो । तर, फिफा वरीयता भने नेपालको स्थान खस्किएको हो ।
नेपाल १ सय ६९औं स्थानमा रहँदा अन्य दक्षिण एसियाली मुलुकहरू भारत १ सय ६, माल्दिभ्स १ सय ५६, भुटान १ सय ८६, बंगलादेश १ सय ८७, पाकिस्तान १ सय ९७ र श्रीलंका २ सय ४औं स्थानमा छन् ।
यस्तै विश्व वरीयताको शीर्ष स्थानमा बेल्जियम छ भने ब्राजिल, फ्रान्स, इटाली र इङ्ल्यान्ड क्रमशः दोस्रो, तेस्रो, चौथो र पाँचौं स्थानमा छन् ।