विश्वकपछि टी-२० को कप्तानी छोड्ने कोहलीको घोषणा

नेपाल प्रेस

२०७८ भदौ ३१ गते १८:४२

काठमाडौं । भारतीय क्रिकेट टोलीका कप्तान विराट कोहलीले अक्टोबरमा दुबईमा हुने टी-२० विश्व कपपछि छोटो फर्म्याटको क्रिकेटमा भारतीय टोलीको कप्तानी छाड्ने निर्णय गरेका छन् । सामाजिक सञ्जालमा ट्वीट गर्दै कोहलीले यहाँसम्म आइपुग्नका लागि सहयोग गर्ने सबैलाई धन्यवाद दिँदै यो निर्णय लिएको बताएका छन् ।

‘लगातार ८-९ वर्ष लगातार तीन वटै फर्म्याट खेलिरहेको छु र निरन्तर ५-६ वर्षदेखि कप्तानी गरिरहेको छु,’ उनले भनेका छन्, ‘अब भारतीय टोलीलाई एकदिवसीय र टेस्टमा नेतृत्व गर्नका लागि आफूलाई ‘स्पेस’ दिनुपर्ने महसुस गरेको छु । मैले अहिलेसम्म टी-२० मा मेरो सबै थोक दिउको छु । अब टी-२० ब्याट्सम्यानको रूपमा अझै पनि उत्तिकै योगदान गर्नेछु ।’

आफूले यो निर्णय लिनुअघि आफ्ना नजिकसँग सल्लाह गरेको बताएका छन् ।