१० ओभरमा पिएनजीले ३ विकेट गुमाएर ४० रन बनायो

काठमाडौं । नेपालविरुद्ध एकदिवसीय अन्तर्राष्ट्रियमा २३४ रनको लक्ष्य पछ्याइरहेको पपुवा न्युगिनीले १० ओभरमा ३ विकेट गुमाएर ४० रन बनाएको छ ।

अल अमेरत क्रिकेट मैदानमा जारी खेलमा टस जितेर ब्याटिङ रोजेको नेपालले ४९.३ ओभरमा सबै विकेट गुमाएर २३३ रनको योगफल तयार गरेको थियो ।

२३४ रनको जवाफी ब्याटिङमा उत्रिएको पिएनजीले भने राम्रो सुरुआत गर्न सकेको छैन । अहिलेको ताजा अवस्थामा पिएनजी १२.१ ओभरमा ४५/४ को अवस्थामा छ ।

पिएनजीका ओपनरद्वय टोनी उरा १९ तथा लेगा सियाका ४ रनमा पेभेलियन फर्केका छन् । यस्तै कप्तान आसाद भाला १ तथा चार्ल्स अमिनी १६ रनमा पेभेलियन फर्किँदा अहिले क्रिजमा सेसे बाउ ३ तथा किप्लिन डोरिगा १ रन बनाएर खेलिरहेका छन् ।

नेपालका लागि सोमपाल कामी, विक्रम शोब र सन्दीप लामिछानेले १/१ विकेट लिएका छन् ।