विवेकशील-साझामा केन्द्रीय सदस्यको कित्ताकाट, रवीन्द्र मिश्रको पक्षमा आरामदायी बहुमत (सूचीसहित)

काठमाडौं । वैचारिक विवादमा रुमल्लिएको विवेकशील साझा पार्टीको केन्द्रिय समितिमा अध्यक्ष रवीन्द्र मिश्र बलियो अवस्थामा देखिएका छन् । आज अध्यक्ष र संयोजकले समानान्तर वैठक बोलाउँदा उनको पक्षमा स्पष्ट बहुमत देखियो ।

आज डेढ घन्टाको अन्तरालमा मिश्र र संयोजक मिलन पाण्डेले समानान्तर भर्चुअल वैठक बोलाएका थिए । मिश्रले बोलाएको बैठकमा एक सय एकजना सहभागी भएका छन् । पाण्डेले बोलाएको वैठकमा ४५ जनाले केन्द्रीय सदस्यले भाग लिएका छन् ।

विवेकशील साझाको केन्द्रीय समितिमा १ सय ३० जना छन् । बहुमतका लागि ६६ जना सदस्यको समर्थन आवश्यक पर्छ । आज केही केन्द्रीय सदस्यले दुवैतर्फको वैठकमा भाग लिएका थिए । उनीहरूको हिसाब नगर्दा पनि मिश्रको पक्षमा आरामदायी बहुमत देखिएको छ ।

तत्कालीन विवेकशील नेपाली र साझा पार्टी एकता भएर विवेकशील-साझा पार्टी बनेको हो । एकताका क्रममा दुवैतर्फबाट ६५-६५ जना राखेर १३० सदस्यीय केन्द्रीय समितिको गठन गरिएको थियो । तर, अहिलेको विवादमा विवेकशील र साझा भनेर केन्द्रीय सदस्यको कित्ताकाट भएको छैन ।

विवेकशीलका केही नेताले अध्यक्ष मिश्रको विचारलाई समर्थन गरेका छन् भने साझाका केही नेताले पाण्डेसँग नजिकिएका छन् । सचिवालय सदस्य मध्ये पूर्वविवेकशीलका ३ जना अहिले संस्थापनतिर लागेका छन् । यस्तै, पूर्वसाझाका ३ जना सचिवालय सदस्य पाण्डेको समुहमा लागेका छन् । केन्द्रीय सदस्यमा भने पूर्वविवेकशीलबाट मिश्रको समूहमा आउनेको संख्या ठूलो छ ।

पाण्डे पक्षको वैठक केहीबेर अघि स्थगित भएको छ । वैठकमा विविध एजेन्डामा छलफल भए पनि ठोस निर्णय केही भएन । भोली फेरि बस्ने गरी वैठक स्थगित गरिएको पार्टीका सञ्चार विभाग उपप्रमुख हरिश भट्टले जानकारी दिए ।

यता, संस्थापन पक्षको वैठकमा मिश्रको चर्चित दस्तावेज छलफलका लागि प्रस्तुत भएको छ । उक्त दस्तावेजमाथि केन्द्रीय सदस्यहरुले विचार राख्ने क्रम जारी रहेको पार्टीका प्रवक्ता शरदराज पाठकले जानकारी दिए ।

अध्यक्ष मिश्रले राजनीतिक दस्तावेज सार्वजनिक गरेपछि पार्टीमा गतिरोध उत्पन्न भएको थियो । विवाद बढ्दै जाँदा अध्यक्ष मिश्र र संयोजक पाण्डेले छुट्टछुट्टै वैठक बोलाएका हुन् । नेपालमा संघीयता खारेज गर्नुपर्ने र धर्मनिरपेक्षतामा जनमतसंग्रह गर्नुपर्ने मिश्रको लाइनमा पाण्डे पक्ष सहमत छैन ।

अध्यक्ष मिश्रले बोलाएको बैठकमा उपस्थित १०१ केन्द्रीय सदस्यहरू:

• रवीन्द्र मिश्र
• अनिल भेटवाल
• अनुपमान सैँजु
• अनुपा श्रेष्ठ
• अब्दुस मिया
• अमलेश कुमार कर्ण
• अनिमेश कुमार मिश्र
• अमृत पुडासैनी
• अमृता थपलिया
• अर्जुन प्रसाद खनाल
• आशिष जोशी (रेग्मी)
• आशुतोष तिवारी
• आशुतोष प्रधान
• ईन्दिरा काफ्ले
• ईन्दिरा वाग्ले (मैनाली)
• किशोर थापा
• कीर्ति तुलाधर
• कुसुम घिमिरे
• कृष्णप्रसाद भट्टराई
• गेहेन्द्र प्रसाद दाहाल
• गोपाल हमाल
• घनबहादुर शाह
• घनश्याम विश्वकर्मा
• जगन्नाथ काफ्ले
• जमुना सुबेदी
• जीवन ढकाल
• डा तारा कुमारी काफ्ले
• तृष्णा भण्डारी
• दिपक प्रसाद उप्रेती
• दिव्येश गिरी
• दीपक पौडेल
• दीपा अर्याल
• दुज्जी चौधरी
• धनपति महतो
• नवराज थापा
• निरूपमा यादव
• निर्देश सिलवाल
• पवन मल्ल
• पवित्रा थापा
• पुकार बम
• पुरुषोत्तम प्रसाद ढुङ्गेल
• पुष्पा सापकोटा
• प्रकाश आचार्य
• प्रकाशचन्द्र परियार
• प्रदीप कुमार थापा
• प्रमेश श्रेष्ठ
• प्रेम प्रकाश केसी
• भरत राज पन्त
• भिम प्रसाद अधिकारी
• भूपदेव शाह
• भूपेन्द्र राज वस्नेत
• मधुसुदन केसी
• मधुसूदन पाठक
• महेन्द्र कुमार थापा
• महेश पाठक
• मुरली मनोहर मिश्र
• यम नारायण खनाल
• रजनी केसी
• रजिया बानु
• रन्जु न्यौपाने (दर्शना)
• रमेश महर्जन
• रमेश विष्ट
• राज्यलक्ष्मी श्रेष्ठ
• राधिका कुमारी भट्ट
• राम तपस्या साह
• राम सोरागथ शर्मा
• रोशनी अधिकारी
• लक्ष्मी घिमिरे
• लक्ष्मी कुमारी शाही
• विकल प्रसाद शेरचन
• विकु लामा
• विना शाह
• विमला थापा मगर
• विराज भक्त श्रेष्ठ
• शरण कार्की
• शरद राज पाठक
• शारदा रिजाल अधिकारी
• शिशिर बन्जारा
• शोभा शाक्य
• श्री कृष्ण श्रेष्ठ
• संगीता श्रेष्ठ
• संजय बराल
• सञ्जीव भट्टराई
• सौगात श्रेष्ठ (समाइरा)
• समिक्षा बास्कोटा
• समुन्द्र केसी
• सरस्वती पन्थी भुषाल
• सस्मित पोखरेल
• साहारा चपाई
• सुदन मानन्धर
• सुमनकुमार मिश्रा
• सुमित्रा गुरुङ
• सुरज प्रधान
• सुरेश भट्ट
• सुशील देवकोटा
• सुशीला केसी अधिकारी
• हरिकृष्ण अधिकारी
• हरिकृष्ण श्रेष्ठ
• हरिप्रसाद गौतम
• हरीशप्रसाद भट्ट
• हिरामणी पौडेल

(उल्लेखितमध्ये केही केन्द्रीय सदस्य संयोजक पाण्डले बोलाएको बैठकमा पनि उपस्थित थिए ।)